津乐大排档怎么样
发布网友
发布时间：2022-04-24 01:24
共1个回答
热心网友
时间：2023-11-09 08:58
前日去左鼎湖山玩，民宿既老板娘介绍黎呢度既。5个人点左6个菜，鼎湖上素、山坑鱼仔、紫苏鸡、肇庆米粉、凉瓜炒牛肉、竹笋炒烧肉。鼎湖上素里面有金针菇、粉丝、鸡比菇之类既素菜炒埋一碟，好够味；山坑鱼仔，其实都唔算鱼仔啦，基本上有食指至中指咁上下既长度，伴紫苏叶一齐炒，下面有D酱汁，咸咸地，无咁热气；紫苏鸡，食唔出系冰鲜定系活宰既，D肉口感唔错，够镬气；肇庆米粉，真系好大一碟，我见菜牌写有8-15蚊既，我地无讲要边种，我啉老细见我地咁多人，炒左个最大既，份量好足，好多瘦肉，系广州，瘦肉既量都够炒3-4碟粉啦；凉瓜炒牛肉，凉瓜切成方形既一片片薄片，炒得啱啱好，唔淋，不过牛肉口感一般，有D老；仲有大家最中意既竹笋炒烧肉，竹笋应该系当造，大大片既都好嫩，一D都唔老啊，D烧肉原先以为会好肥，上菜果阵个个都接受到喔，皮虽然唔够脆，但都好好食，呢一味食完都要饮D祛湿茶啦。可能2点左右人比较少，得我地呢枱，所以上菜好快，埋单系146，人均30左右，食到好饱，有两个朋友因为翻到广州仲有下半场，就打包山坑鱼佐酒。虽然店名写住大排档，但卫生都OK噶，系室内小店，斜对面无几远就系往广州既汽车售票点，好就脚，下次再黎鼎湖山可能都会选择呢度噶
